Ли

Ли - Конфуций философиясындағы негізгі ұғымдарының бірі. Ол әуелде әлеуметтік және ғарыштық тәртіпті қолдайтын магиялық ритуалдарды білдірді. Кейін конфуцийшылдықтың шеңберінде жүріс- тұрыстың «жэнь» (адамсүйгіштік) жалпы принципін нақтылайтын ұғым ретінде пайдаланылды: әдеп, этика, жол- жора, рәсім, ритуал. Басқаша айтқанда, ли- бұл қарым- қатынас қағидалары, мінез- құлық нормалары ретінде сыпайылық, әдептілік, ұстамдылық деген мағына береді. Ли концепциясы Конфуцийдікі деп есептелетін «Ли цзи» («Ритуалдар тіркеуі»)деген еңбекте жан- жақты қарастырылған.